نیمه شعبان

بنام خدا

(نیمه شعبان )

دوراک گدک تئز چاتاک جشن نیمه شابانا

نوه سینین تویودور  ننم گلیب تهرانا

قیچ آقروسو توختامور دیزدن توتور دابانا

بیر نوه سی اوینورو  ننم پول وئریر اونا

گاهدادا فیکره گدیر بابام دوشور یادونا

اوغلو عباس شام آسور اتی توکور غازانا

بتول گلین یئل وئورور اوزالیگین اوتونا

بهنازونان گپلشیر گچن گونلر یادونا

گوزو دولوب شایده آنا دوئشوب یادونا

هر اوشاخ گوزدن دوشوب هلیا گلیب میدانا

شاید گلینیم اولا من دئدیم کیم اینانا

لیلان باجومنا  گلیب قیزلر یئقیب دورونا

اوغلو علی گلمیئیب گدیب مازندرانا

عباس دایوم یورولوب گوینی ایستیری اوزانا

ساده مظلوم باخورو اوغلاننارو بویونا

ممد عم اوغلوم گلیب سوئوز دیئیر باج اوغلونا

بلکه شاید  ائولنه چیلو یئیک تویونا

عمی قیزیم آغلادی حسن دوشوب یادونا

حسن رحمته گتدی حسین قالدی نیشانا

دایوسو علی گدیب دلدالوخ وئریر اونا

فاطما باجوم یولدادی قمودان گلیر تهرانا

کوره کن بهرام گدیر آداخلوسو یانونا

مجتباسو گلمئیب گدیب کده دولانا

حاج اسماعیل گج گلیب چب باخور ال وئرانا

حرام موسیقی سسی چاتوب غولاخ رارونا

چاره سی یوخدی بوگون گرک قولاغو یوما

مالک اشتر تکین قیزه گلیب سسلنیر :

تلوزیانو آچون قولاخ وئرک آزانا

ابوالفضل قیناتاسو گلیب قارداش یانونا

فکرایلری دورا گده  تئز چاتا بهارانا

احسان پیشدی پایلادوک دوعا وردیک احسانا

ائوه آپاران سهمینی هر کس یقیب بیریانا

کمک  لشدیک قوتاردوک غازان دوشدی غازانا

احسان ورن ساق اولسون گلن ایل ساغلوغونا

بیر نفره بر یئیب چپ چپ باخور بویانا

شاید چون آدی یوخدی یازمادیم  کوتو یانا

آرواد سسی اشیدیر شاعر وئریر توممانا

کیشی آروادان قورخور خراب اولوب زامانا

بوسوزلر بوردا قالسون سیزی آدورم قرآنا

یاقچی یامان اولماسون قویمایون سوئوز اوزانا

اینسان که خیر ایشنده نباید که یووانا

گون باتدی آقشام اولدی آز قالوبدی آذانا

« قوات گلی» قوجالدی عمری گتدی خزانا

ائوزو گتدی قالمادی سوزو قالدی نیشانا

مننن سیزه یاد اولسا دوعا سالون یازانا              

                                                        ( قوات گلی )