دارسوا داغو

دارسوا داغو

(نوشته های ذیل خاطراتی شیرین از روستای زیبای ینگی قلعه می باشد )

دارسو داغو ورگ  گدیپ ،کرمه  الوب  ، گاز  گلیب

بولاخ  بیتیب ،گول  قورویوب ،قیرخ قیزلردن  سو گلیب

نووارانان اسفالت اولوب  گل  گدیمیز چوخ  اولوب

علی اوسط  کورپو سونو یخیبله ،میمه چایو دا دولوب

پالچوخونان دیوار تیکمک ،اطاخلارو لاوالاماخ  قدیم  او د قالوبدو

آجورونان ،سیمان وگچ  اولاروی  یرینی  توتوبدو

چورک یاپماخ  تنیریستانا دا  بیتیب

کولوگلرده  یاددان  چیخیب ،شیمیایو  کودو  گلیب

تلفون  سیمی  گلیبدی ،جار چا قورما خدا  گدیب

سیقیرینن شوخوم  ورماق  یرینی  ترکتورا  وریب

یادوینادو زیندعلی  دایو گونه  نچه  دفعه  قیزبس  خالانو  سویردی

بیرساعتدان اونوینان چیبیخ  چکیبو دیرردی  و گولردی

وحبیبه الله دایو هر بیر کسه  آرام  آرام نصیحتلر الردی

میرزعلی دایو هیر سلننده  آداما دا  قودوخ  دیردی

علی مردانو شیرین سوزلر،خداحافظی  اولسون  دیردی

صبیه باجو گونن  بیر تنیره  اوت  سالاردو

بیوک، قیزیل  لاواش  چورگینی  یا پاردو

هر گچنه  تزه چورگدن دوروم  توتوبو  ورردی

اودا صبیه  باجو الله  اوغلو  یوساخلاسون  دیردی

حدیث  باجو تورش  قاتوقو هر گون سحر چالاردو

ساتماخ  یوخودو، اولمویانا  گاهدان  بیر پای  ورردی

بالا سلطان خالا هرکسینن شوخلوق  الیب و گولردی

ممد یا را  تورپاقا ال ورسا قزیل اولسون  دیرردی

هرگجه قولاخ آسای بیر اودن چوگورسسی  گلردی

سهلملی وصدیقلی  ترینگلر دیبو چوگورلری چالاردو

رحمتلیک جعفرعلی هفتده نچه  دفعه حسن  عمیمینن  الشردی

بیرساعتدان  حسن آقا  بیرچایو قوی  ایچگ  دیردی

ولیخان عمی ال ایقینین چاتلا رونو اوزالینتن تیکردی

منیم دد منه  قاپولارا خوروس عکسی  چکردی

اشک لره  میید اولموش  دیه  دیه  چایدان  اوت  گتیرردی

حسن آقا  گوزباسانا  طنفی  چکیبو  قاچاردو

حاجاقا عمو د  ناراحت اولوب اونا  خط ونشان  چکردی

میرزعلی بابا های سالوبو بش اوغلانو اویاداردو

اولارو بیوک عمیم حاجاقا  الینه تاپیشوراردو

بیوگ اوراغو دد منن آلوبو حسن آقای  ورردی

قیزل گول نه نه  سوفرایا  چورگینن  پنیری  قویاردو

اوشاخلاردا اوزلرینی  یوخولو یوخولو قلعه قاپوسونا  یترردی

ممدمردانی و رحمتلیک اصغری  گوزلیردی

منیم ددمنه  قاقاسونا حسن جان من  گلمیرم  دیردی

علی اوسط  دایو گاهدان  بیر تهران سفرینه  گدردی

بش اوغلانو اوز باشو نا ییقردی

اولاردانو کدیلردن مسجد ه پول  آلاردو

قومنان  یقیلن پولارونان  بیربیر اوستونا  قویاردو

مسجید یمیزه  حاج قاسومونان  آجورونان کرپیچ  و گچ آلاردو

رحمتلیگ  شناسناما  ورن لره  هرگون  شام وناهار  ورردی

ذبیح الله اوغلو وحبیه الله دایو اوغلونوی سربازلوقونان  دانوشاردو

نبی الله  دا هامو وقتینی  یاخچو خط یازما قا  قویاردو

هرنچه وقتن بیر اوده کدن  کوچوبو قوما  گدردی

ممد علی دلبری ده هر کوچدن گچنه  بیر پولکیو سوز آتاردو

امیرعلی دایودا موفته توتون تاپاندا چپیقی چیکیو روایت  لر دیردی

شاهعلی دایو یرینه داوار سالاندا اوز ددسینی  سویردی

اوستا شیرویه  تخته لری  بیربیر نه لباس کیمین  تیکردی

خیاط  اوغلو بیرامنا  لباس لارو چرخسیز اوز الینن  تیکردی

اولمویانلار کت وشلوارونا  نچه  یاماخ  ووراردو

شاهعلی ده کدخدالو قوناشهریلردن  بیر کیسه  توتون  آلاردو

دشتیواندا آشاغو  باغا داوار سالسای  ددننیی  سویردی

بیرامقلی دایو ناحق دین شاهسونلری  نجه بادام  آقا جوینان  ووراردو

اونان سورا چولو اولارا اجاره وریب ، اوه گوتوروب اولارا چایو چورگ  ورردی

دلاور حاجیه خاتون  یوز قوناخ دا گلسه باجو کیمین هامویا  یتشردی

تنیره اوت سالوب بیر ساعاتدان  تزه  چورگی  یا پاردو

میرزا قوربان  ساقلوقوندا  آت  چاپوبو داغو داشو گزردی

گاهدانا نمایشو آتوی  قارنو  آستوندان  گچردی

دوکتوردو هر مریضه  بیرآبجوش و نابات  ورردی

مریضی قندی اولسا  ایکی  گونن  اولردی

قارنو آرغویانا  ککلیگ  اوتو  ورردی

آپاندیس اولانوی قارنو شیشیبو  پاتلایوبو اولردی

گاهدانا  نچه دن  بیر درمان  جواب  ورردی

مریض  یاخچو اولاندا اوبچارادا  اورگدن بیر گولردی

ممدیاردا  بالا سلطان  خالایا  باش وورما قا  کنه  گلردی

درهمه دنیا  اوخویا  اوخویا  چایو  چولو  گزردی

اوشخلاردا  یایدا  امام  گولونده  اوزلرینی  یویاردو

حسن عمیم د  حاج ممد و میرزعلینن هر مجلیسد  یوخارودا  اوتوراردو

کندیمیزین مشکلینی حل المگه  خالقونان  مشورتلرالردی

حاجوباقور شیمیر نقشینی نجه یاخچو اویناردو

اونان سورا اوتوروبو  امام  حالوناهای های آغلویاردو

رشید مینی بوسان خرمن  یرینه بیرهای وهوی سالاردو

هراوه بیر قارداش ،باجو، عمی ،دایو مهمان گتیردی

خالقدا  اونوی  حبیبینه  قوزو  بادام  توکردی

اودا هرکسین اوزحالوجک  اونوینان  باش باشونا  قویاردو

قاسم آقا  نچه دن  بیر تفنگ  چینینده  آت   اوسدونه   گلردی

کد یلری اوز باشونا  یقیبو  اولارا  خاطره  لردیردی

باقور کریمی  ده رستم  و سهراب  نقیلنیی هرگجه  بیر اوده  دیردی

گامانوما  هر گجه  نقیل  دینه  اوتوز  چایو ایچردی

یارو گجه چن  بیرنفس  رستم  نقیلنیی  یاخچو لحنینن دیردی

میوه  یوخودو مستمعین اید ینیین، یمیش گاهدان  ییردی

هرکس  بیچینی دالا دوشسی کدلیلر یقیلیبو اونوی بیچینین  بیچردی

حرمت  وارودو، پول آلمایوب  بیرییرینه  الله  وات ورسین  دیردی

یایدا  چیرکینگ  اوزومو یتیشنده  آشاغو  باغذا های و هوی  دوشردی

هرکس  اوز باغونو اوشاخلارونیان  ییقردی

یینیی ییب و قالانونو اوزوم شیره سی  چالاردو

اوزحقینی ساخلایوب و قالانونو حسنعلی  دایویا  تاپیشوراردو

اودا رحمتلیگ اولارو قوما کتیریبو ساتاردو

هفته دد نچه دفعه سوتیارما آشو  وارودو

زاغویا  گیرمک  اولمازدو  بسکی  دالانو دارودو

هربیرامنا دا زن عمیم  قوروت چغندر  قییرردی

گلنلری حقینی وریب و  گلمیینی  حقینی  ساخلویاردو

احمد عمیم ساق  اولسون  نجه  تاملو تاملو اونو  ییردی

زن عمی  بو قوروت  چغندر میودن  ییدی  دیردی

اگیردگو ،یرالما چورگی  برامنان  بیر وارودو

پلویمگ  هر بیرامنا  گلین لرو باجولارا پایودو

رحمتلیگ بی بی مه ایلد بیر من  پلوقورما  پایلاردم

بیرتیکه نوبات و بیردنه  جوراب عوضینه  آلاردم

هربیرمنا  اوشاخلارون  آشوق  اویناماقوندان  یاد  اولسون

یرالمایونان اوزوگ اوزوگ  اویمناماخدان  یاد اولسون

بویاموش نومورتا نومورتا اوینیان رحمتلیلردن  یاد السون

رحمتلیگ حاج رضا ومدینه باجوینان عمی قیزی و عمی اوغلو دمگینن یاداولسون

هاموگچیب گدن لره رحمت اولسون  یاد السون

قالانلارا  دنیا  شیرین  داد  اولسون

                                                                 عباس ذوالفقاری

                                                                                              92/11/22

گلین باخاک داغلارا

بنام خدا

(قورد دوشوپدور داوارا )

عزیز اشیدنلر چیخین داملارا

دامنان باخون جاوالاردا  داغلارا

دومان چیخیپ قورد دوشوپدور داوارا

بیرین توتوپ بیری قاچوپ چوبان قالوب آوارا

پرن پرن سالوپ قورد داوارا

چوبان قالوپ داغدا دوشوپ هاوارا

دامنان انین قاچاک یتیشک دادا

بیری قاچوب بل گوتوره بیرال آتدو چوماقا

بیری پیاده قاچاردی بیری میننی اولاغا

گول باشوننا یولداش دگیپ یولداشا

بیر بیرینن سوروشور کیم گدیپدیر داوارا

بیری دئدی ممدعمی  بیری دئدی  عل آقا

کد توکولوپ هامو  یقیلیپ یالا

آزقالوپدور چوبان دایوم جواننارا یالوارا

کد داوارو قوردان آلوپ گتدی توکدو باغلارا

شنگیل اولوپ چوبان دایوم یالدا دوشوب هالایا

سوزآتمایون قویون سوزوم قورتارا

قوات گلی جارچکیری قولاخ ورین آلماقا

آدوریرم سیزی تک ائو آلاها

یادا سالون او گجه که دنگده قالدوک سودا

یادا سالون اوگجه که دامنان دوشتوک یوخودا

یادا سالون او گونر که اوزومو توکدوک باغا

یادا سالون  او گونر که چورگی یاپدوک ساجا

یادا سالون  او گونر که خرمن آتدوک هاججادا

یادا سالون  او گونر که قربان کسدیک باغچادا

یادا سالون  او گونر که اوزوم ازدیک چالادا

یاداسالون اوگجه کی شال سالادوک پاجادا

یادا سالون  او گونر کی یوک پورسادو جادادا

یاداسالون اوگونرکیی بالوخ توتدوک بوخچادا

یاداسالون اوکیشی عقلی وردی آروادا

یادا سالون اوکونر کی جوانوخ گیتی بادا

یادا سالون اوکیشی کی کوتک چکدی آروادا

یادا سالون اوگونر که ککلیکه گدیک داغا

دوستلار گلین بیرده چیخک داملارا

دامنان باخاک گچن بوروزوگارا

دومان داغدان اننی گلدی باغلارا

اجل گلدی چیختی میزیم داملارا

عزیزلری سالدو غریب یولارا

قیرقی گلدی دوشدو میزیم هاسارا

گوگرچینر اوشدو گدی غریب یرده باغلارا

دونیانون رسمی بودور بیزلری درده سالا

گدن گدیپ قالان گلسین با هم گدک دوز یولا

قوات گلی ایستمدی بوگون سیزی آغلادا

گچن گوندن خاطره دوشدی یادا

من گدرم سیزده گلین ایزیم قالوب جاددادا

                                                                                       ( قوات گلی ) نوری